مقال

البنات البنات اجمل الكائنات لكن

على الرغم ان البنات معظم الوقت بتصعب عليا من اللى بيحصل فيها من الولاد  لكن كتيرررررر جدا بيبقى بسبب البنت نفسها !
البنت معظم الوقت ان مكنش كل الوقت بتحاول تبان الشخصيه الكيوت الحلوة و الجميلة … رقيقه و لبسها حلو و منسق … و الميكب يبقى كامل و ساعات بتوصل لمرحلة التشطيبات مش ميكيب خالص بصراحه … لما تبقى كده طول الوقت … تفتكرى لما الراجل يشوف فيكى الجزء التانى من العصبيه احيانا و التعب و الارهاق … و المود الوحش اللى يخليكى مش قادرة تظبطى لبسك ولا الميكب بتاعك … هيستحمل ده ؟!!!
مش معنى كلامى اطلاقا انك تبقى مبهدلة فى شكلك … لكن معنى كلامى انك تبقى طبيعية … بلاش تكليف فى اى حاجه … بلاش تكليف فى اللبس … بلاش تكليف فى الميكب بتاعك اللى كتير جدا بيبقى شبه البلياتشو مع كامل احترامى للبلياتشو طبعا حتى بلاش تكليف فى الكلام … خليكى على طبعتك بكل ما تحملها الكلمة من معنى … خلى اللى يحبك … يحب فيكى بساطك و برائتك و حلاوتك الربانيه مش المصطنعة … البنات بتحب تبان جميلة كل الوقت عشان تبان كيوت و فله و شمعه منورة … البنت اللى بتتكلف بطريقه زيادة عن اللزوم بيجى عليها فتره بتحس انها مضغوطه و لما تحب تفك الضغطه دى اللى قدامها كتير مش بيستحمل و بتبدا المشاكل … طيب ليه يا بنت الحلال لما ممكن نبقى طبعيين من اول يوم ؟!!!
خليكى طبيعية عشان انتى جميلة بزيادة اقسم بالله … انتى حلوة اوى من جوا قبل بره … و لازم تفتكرى ده و يفضل قدامك منين ما روحتى … بصى البسي اللى يريحك مكان ما يريحك … يعنى مش لازم الكعب العالى عشان مبقاش مختلفه عن الناس … على فكره مفيش حاجه اسمها لازم … فى حاجه اسمها انا حابه ابقى ازاى و شايفه نفسي حلوة فى اى اتجاه … القصيرة حلوة و الطويلة حلوة … مفيش حد يقول اصل هى حلوة عشان قصيرة ولا هى جميلة عشان طويلة … مش ده المقياس ابدا … روحك هى المقياس ده … خليكى طبيعية
الراجل بقى احب اقولك ان البنت اللى بتاخد بالها من كل حاجه دى و بتثبت على موقفها لحد الاخر معاك … هتشوف منها الويل  دى بتخطط يا استاذ … بتخطط طبيعتك كراجل بتشدك البنت الغامضه و الصامته و القامطه  و هى دى بداية الخطة يا كبير  مفيش احلى من التلقائيه تلاقي فى مطره تلاقيها بتجرى منك فى الشارع زى الهبله مش هيهمها انتو فين … او فجأة تعيط عشان مضايقه … و ياااه بقى لو فى ملاهى هتلاقى طفله جنبك مش واحده كبيرة الصامته القامطه محضرالك حلقه مع ابراهيم نصر من ضمن حلقات الكاميرا الخفية.
احنا بقي كرجالة.اية رأيكو نعامل اي بنت او اي ست علي انها اختك او بنتك او زوجتك او قريبتك او بنت جارك.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق