من أكتر المشكلات اللى بنقابلها وبتسئل عليها هي قلت النوم واضطراب النوم هنا في الغالب بسبب التفكير الزايد جدا وغالبا التفكير ده بيكون سلبي علشان كده بيكون فيه استرسال وبينتج عنه الأرق هقولكم شوية نصايح بسيطة جدا باذن الله تفيد.
1- اول حاجة ندخل ننام لما نحس اننا محتاجين للنوم ولو مش محتاجين للنوم نقرأ اى حاجة شوية
2- عدم متابعة الاخبار السيئة وخصوصا قبل النوم او مشاهدة مثلا فيلم اكشن او اى حاجة مثيرة
3- تمارين التنفس ودى مهمة جداااااا وليها كذا طريقة واسهل طريقة هناخد نفس عميق من الانف ونكتمه 10 ث ونطلعه من الفم على 3 مرات ونفضل نكرر التمرين ده وياريت التمرين ده يكون من روتين يومنا العادي
4- تمارين الاسترخاء وهى وانت على السرير بتقوم بشد كل عضلة من عضلات الجسم لمدة 10 ث وإرخائها بترتيب العضلات بداية من قدم الرجل الى الفكين
5- تمارين التخيل والتأمل وهى انك بتغمض عنيك وتتخيل مشهد ومكان جميل تحب تكون فيه ويكون مكان هادي وتتخيل نفسك بتنام
6- مشروبات دافية وغلق الاضاءة او اضاءة خافتة وتهيئه جو النوم وقراءة اي شئ ويفضل على الموبايل علشان نقرأ واحنا في وضع النوم.
7- عدم الاسترسال في التفكير المتشائم او الاحداث السلبية ومحاولة التشتيت ( ودي هنتعلمها باذن الله) بس مبدئيا هتحاول تقول لنفسك مش وقته مش هفكر في الحاجات المزعجة دى دلوقتي علشان انام .
خليك فاكر النوم والفكر بيتعارضوا مع بعض مينفعش تفكر وتنشغل وتقول هنام وخليك فاكر انها ازمة وهتعدى وهترجع احسن من الاول باذن الله وربنا يعين الجميع اللي عنده اى سؤال او استفسار يتفضل.
