زي ما في ناس بتحارب علشان تخلص من المرض النفسي في ناس بتكون عاوزة تفضل جوا دايرة المرض لاسباب نفسية غالبا لا شعورية .
زى مثلا ان اللي حواليهم بدأوا يهتموا بزيادة بيهم في فترة تعبهم او انهم بتتحققلهم كل طلباتهم او بقينا نسمعهم ونحرص اننا منزعلهمش ف على الرغم من تعبهم لكنهم عاوزين يفضلوا تعبانيين علشان ميخسروش المكاسب دي ويعملوا استعداء للاعراض بشكل لا ارادي وللاسف هيفضل جوا الدايرة دي فعلا.
طبعا طريقة التفكير دي بتكون عند الناس اللي معندهمش قدرة على حل المشاكل ولا التكييف وبيحتاجوا علاج معرفي سلوكي ومواجهتهم بالمشكلة دي علشان تتحل …
