ستعلمي انك كبرتي بجد وقت مايبتدي يحصل معاكي ده
* وقت ما تحبي البقاء بالبيت بدون مايسبب لك ده أنزعاج
* لما تعرفي أن اكلك ملحه مظبوط بالخبره وبدون ماتحتاجي تدوقيه
*لما حد من ولادك يقولك ماما تقولي له لاااء !
وتبقي فاهمه هو عايز يقول إيه
* لما تنتظري رجوع ولادك بالسلامه بس للبيت ومطمنه عليهم فمتفرقش معاكي كانوا فين ومع مين
* وقت ماتبتدي تشربي أعشاب وشاي أخضر وتدوري علي فوايدهم
* وقت لما معدش يفرق معاكي زدتي كام كيلو ولا يضايقك تغير جسمك
* وقت مايبقي كل ولادك أطول منك ، وتبتدي تلاحظي أن بنتك بتعتبر دولابك دولابها
* وقت ماتحسي أن شباب كبار زي ولادك وهما يحسوا انك زي مامتهم ومتضيقيش من كلمه طنط
وقت ماتغربلي أصحابك ويصفوا علي 3~4 صادقين بصداقتك ويكونوا عندك كل الأصحاب
* وقت ماتبتدي تاخدي نصايح من اولادك وتحسي انهم اتعلموا وبيعرفوا حاجات أنتي متعرفيهاش
* وققت ماتبتدي مفاصلك تنقح بعد كام متر مشيتيهم
* وقت ماتشتاقي ليوم ماكنتي بتأكلي اولادك وتحميهم وتمسكي اديهم وانتم بره عشان تحميهم
* وقت ماتشتاقي لحضنهم وحواراتهم عشان تنامي جنبهم
وقت ماتكتشفي أنهم قربوا يسسبوكي وكل واحد هيكون له بيت غير البيت اللي جمعكم سوا
*وقت ماتلاقي اهلك واصحابك ومعارفك واحد ورا التاني بيفارقوا لعالم تاني
مواقف كتير كانت بتمر علينا وفجأه تتجمع قدام عنينا و ننتبه لها فننتبه أد إيه كبرنا واد ايه الدنيا بتسرق منا سنين عمرنا .
كل لحظه عايشينها قرب ولادنا و اهلنا و اصحابنا ثمينه جدا ، مين العالم ممكن تتكرر امتي وأزاي ؟!!
اتمني لكم زي مابتمني لنفسي رضا الرب وفرحه القلب والصحه والستر
لانملك غير انها سنه الحياه ، ممكن تاخدنا لفين ده بعلم الغيب ..الأكيد والمؤكد أننا كبرنا ولسه هنكبر ونتعلم
دمتم سالمين.
عبير قطب. 1/10/2020
