المجتمع

المصرين بالخارج يستنكرون كتابات وتدخلات الإعلامية عبير ابو طالب في شئون المهاجرين

“مين اللى ناصبك على المصريين فى الخارج” هجوم من السيدة ميرفت خليل على المذيعة عبير أبو طالب
هاجمت السيدة ميرفت خليل، رئيس عام إتحاد المصريين فى الخارج “فى بريطانيا”، مذيعة التلفزيون المصري عبير أبو طالب على كتبتها بوست على موقع التواصل الإجتماعي فيس بوك يحتوى على “أنتو فين يا إتحاد المصريين فى الخارج من المشكلة اللى احنا فيها؛ عشان أنتو بتقولوا أنى بهاجمهم”
يذكر أن عبير أبو طالب تقدم برنامج وصال على شاشة التليفزيون المصري إخراج وليد التاجي نائب رئيس الفضائية المصرية، وهدف البرنامج هو نقل أخبار المصريين فى الخارج ولكن البرنامج يخلو من “الشفافية عشان احنا عارفين مرجعك فين” مثلما صرحت السيدة ميرفت فى بداية كلامها
بدات السيدة ميرفت كلامها ب “مين اللى ناسبك على المصريين فى الخارج! مع احترامى لبرنامجك اللى لا يتعدى عن 15 دقيقة او الساعة زى أى مذيعة ليها برنامج” واضافت “عندنا برامج محترمة جدا زى برنامج الطير المسافرعلى قناة الصعيد وبرنامج المصرية مباشر، كلهم ناس محترمة جدا وبيتحدثوا عن المصريين فى الخارج ولكن لم يحدث توصية من أى حد فيهم على المصريين فى الخارج”
وصرحت أيضا ب “سيدتى الفاضلة لم تذكرى لا بخير ولا شر مبادرة وزيرة الهجرة عن تواصلها مع أبناء مصر فى الخارج عشان العالقين، والمباردة معظم أعضاء إتحاد المصريين فى الخارج على هذه المباردة، احنا بنجمع الجهود مش كل واحد هيعمل حاجة لوحده!”
وأضافت “إتحاد المصريين فى الخارج له أسامى مختلفة وبنعمل أشغالنا منفردين، لكن لما يبقى فى وباء زى ده محدش عارف أخره فين فالمفروض احنا هنوحد جهودنا وننضم مع وزارة الهجرة واتشرفت بأنى على مبادرة معالى الوزيرة نبيلة مكرم”
ثم عادت مرة أخرى لتستكمل حديثها عن السيدة عبير “حضرتك متعرفيش حاجة بتدخلى تهاجمى لإنتمائك لفئة معينة اللى هما دخلوا يعلقوا عندك بألفاظ تحمل حقد، المفروض حضرتك مذيعة تحترمى الوظيفة بتاعتك فى ماسبيرو زى باقى الزملاء المحترمين؛ عشان ملف المصريين فى الخارج بقى حاجة مشهورة قوى وخصوصا بعد انصاف الرئيس السيسى لينا اننا مشرفين بلدنا فى الخارج”

وصرحت أيضا ب “اعملى اللى عايزاه لكن توصى نفسك على المصريين فى الخارج ده لا؛ لأن مفيش حد له توصية عليهم. احنا بنسعد جدا لما بنطلع نتكلم فى أى برنامج؛ عشان بنظهر اللى بيعملوا المصريين فى الخارج” “احنا بنساعد المصريين فى الخارج على قد ما بنقدر والتعاملات المادية كل دى طالعة من جيوب المصريين فى الخارج. مفيش حد بيدفعلنا حاجة، احنا فئة وطنية مية فى المية تعمل من واقع حبها لمصر”
وانهت حديثها ب ” لازم كان حد يطلع يرد عليكى لأنك قاصدة فى كلامك مؤسسة بذات عينيها طالما أنتى مش فاهمة يبقى لازم حد يرد عليكى يفهمك. فمن فضل حضرتك أستاذة عبير ليس لكى حق أنك تتكلمى باسم جميع المصريين فى الخارج؛ لأن ليهم وزارة هجرة ولهم وزيرة عاملة مبادرة رائعة جدا جدا وبتعمل مجهود غير عادى، فياريت حضرتك تلتزمى بأخلاقيات الوظيفة بتاعتك”

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق