مقال

طبول و دفوف

بقلم عاصم صبحي

 

سامع صوت طبول و دفوف
و كأن الصوت جاي من كهوف
كهوف عمرانة رعب و خوف
سكانها عليها ضيوف
كهوف واسعة يا بوي
علي مدد الشوف
و ناسها محشورة
تقولش في عيش ملفوف

سامع صوت ناس كتيرة
بتئن و تصرخ
قتلتهم الحيرة
جروحهم لا ليها دوا
ولا جبيرة
كباراتهم يا بوي
عايشين في جزيرة
قايمين نايمين
واكلين لحم الناس
شاربين من دم الناس
تقولش يا بوي
شاربين بيرة

سامع يا بوي صوت
جواي مكتوف
بيصارع
لجل ما في العتمة
يشوف
نور الحقيقة
نور بكره اللي جاي ملهوف
يسعي بسلام بين البشر
من غير لا طبل و لا دفوف

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
زر الذهاب إلى الأعلى
إغلاق